សកម្មភាពហ្វឹកហាត់របស់ក្រុមកីឡាករ ទូក ង «ខ្មែរកម្ពុជាក្រោមមានជ័យ»

សកម្មភាពក្រុមកីឡាករ ទូក ង «ខ្មែរកម្ពុជាក្រោមមានជ័យ» ហ្វឹកហាត់ត្រៀមចូលរួមអុំប្រណាំងក្នុងព្រះរាជពិធីបុណ្យអុំទូក
-------------------------
សកម្មភាពក្រុមកីឡាករ ទូក ង «ខ្មែរកម្ពុជាក្រោមមានជ័យ» ហ្វឹកហាត់ត្រៀមចូលរួមអុំប្រណាំង នៅថ្ងៃទី ១០ ដល់ថ្ងៃទី ១២ ខែវិច្ឆិកា ២០១៩ ខាងមុខនេះ ដើម្បីអបអរព្រះរាជពិធីបុណ្យអុំទូក បណ្ដែតប្រទីប អកអំបុក និងសំពះព្រះខែ ដែលជាពិធីបុណ្យប្រពៃណីជាតិរបស់ខ្មែរ នៅទន្លេចតុមុខ ។ ទូក ង «ខ្មែរកម្ពុជាក្រោមមានជ័យ» ធ្លាប់បានចូលរួមប្រកួតប្រជែង ក្នុងពិធីបុណ្យជាតិជាច្រើនលើករួចមកហើយ ចាប់តាំងពីឆ្នាំ ២០០២ មក ។ ការចូលរួមប្រណាំងទូក ង នេះ គឺដើម្បីបង្ហាញថា ខ្មែរក្រោមបានរក្សាអត្តសញ្ញាណ និងរក្សាវប្បធម៌ប្រពៃណីទំនៀមទម្លាប់ ដូចទៅ នឹងពលរដ្ឋខ្មែរកណ្ដាលដែរ ព្រោះមានវប្បធម៌ប្រពៃណីតែមួយ ដូចគ្នា ។ នៅក្នុងការចូលរួមអុំប្រណាំងនេះដែរ គណៈកម្មការទ្រទ្រង់ទូក ង «ខ្មែរកម្ពុជាក្រោមមានជ័យ» ត្រូវការថវិកា និងសម្ភារៈផ្សេងៗ ដើម្បីឧបត្ថម្ភដល់ក្រុមកីឡាករ ។ សប្បុរសជនជិតឆ្ងាយ ដែលមានបំណងចង់ជួយឧបត្ថម្ភ ដល់ទូក ង ខ្មែរក្រោម សូមទាក់ទង លោក ប៊ុន មុនី ហៅ ថាច់ ឡែន ជាប្រធានមិត្តសមាគមខ្មែរកម្ពុជាក្រោម តាមរយៈលេខទូរសព្ទៈ 017 604 965