វេទិកា​អ្នក​ស្ដាប់វិទ្យុអាស៊ីសេរី៖ ការរៀបចំខួប​ ៧០ ឆ្នាំក្រោមការត្រួតត្រារបស់វៀតណាម

វេទិកា​អ្នកស្ដាប់​វិទ្យុ​អាស៊ី​សេរី​៖ ការរៀបចំ​ខួប​ ៧០​ ឆ្នាំ​ក្រោម​ការត្រួតត្រា​របស់​វៀតណាម​ ដោយមាន​ការ​រឹតត្បិត​ពី​អាជ្ញាធរ​ខ្មែរ​ និង​ការ​ខិតខំ​ប្រឹងប្រែង​ស្វែងរក​ដំណោះស្រាយ​ ដើម្បីឲ្យ​ខ្មែរក្រោម​ទទួល​បាន​សិទ្ធិ​សេរីភាព​ពេញលេញ​
----------------------
នៅ​ថ្ងៃទី​ ៤ ខែមិថុនា​ ឆ្នាំ​ ២០១៩​ នេះ​ អង្គការ​-សមាគម​ខ្មែរ​កម្ពុជាក្រោម​ និង​អង្គ​ការ​ផ្សេង​ៗ ទៀត​ បាន​ប្រារព្ធ​ពិធី​រម្លឹក​ខួប​ ៧០​ ឆ្នាំ​ ដែល​បារាំង​ប្រគល់​ទឹកដី​កម្ពុជាក្រោម​ ទៅ​ឲ្យ​វៀតណាម​គ្រប់គ្រង​ ។ ពិធី​រម្លឹក​ខួប​ ៧០​ ឆ្នាំនេះ​ មាន​ព្រះរាជតំណាង​របស់​ព្រះមហាក្សត្រ​ យាង​ធ្វើជា​អធិបតី​ ដូច​ឆ្នាំ​មុន​ៗ ដែរ​ ។

កាលពី​ថ្ងៃទី​ ៤ ខែមិថុនា​ ឆ្នាំ​ ១៩៤៩​ សភា​បារាំង​ និង​ប្រធានាធិបតី​បារាំង​ បាន​អនុម័ត​ប្រគល់​កម្ពុជាក្រោម​ ដែល​មាន​ ២១​ ខេត្ត​ ទៅ​ឲ្យ​វៀតណាម​គ្រប់គ្រង​ ដោយមាន​ការបាន​សម្រេច​ដាក់​ទឹកដី​កម្ពុជាក្រោម​ ឲ្យ​ស្ថិត​ក្រោម​ការគ្រប់គ្រង​របស់​វៀតណាម​ ។ កាលនោះ​ កម្ពុជា​ ស្ថិត​ក្រោម​អាណានិគម​បារាំង​ ។ នៅក្នុង​វេទិកា​អ្នកស្ដាប់​វិទ្យុ​អាស៊ី​សេរី​ ដែល​បាន​ផ្សាយ​នៅ​រាត្រី​ថ្ងៃទី​ ៤ មិថុនា​ ​នេះ​ បាន​ពិភាក្សា​ពី​ការរៀបចំ​ពិធី​រំឭក​ខួប​ ដោយមាន​ការ​រឹតត្បិត​ពី​អាជ្ញាធរ​ខ្មែរ​ និង​ការ​ខិតខំ​ប្រឹងប្រែង​ស្វែងរក​ដំណោះស្រាយ​ ដើម្បីឲ្យ​ខ្មែរក្រោម​ទទួល​បាន​សិទ្ធិ​សេរីភាព​ពេញលេញ​ ។ ​តើ​ខ្មែរក្រោម​ នឹង​ធ្វើអ្វី​តទៅមុខ​ទៀត​ ដើម្បីឲ្យ​ពួកគេ​អាច​ទទួល​បាន​សិទ្ធិ​ជា​ពលរដ្ឋ​ ដែល​ស្មើមុខ​ជា​ប្រជាជាតិ​ ។ ដើម្បី​ជ្រាប​ច្បាស់​ជុំវិញ​រឿង​នេះ​ វិទ្យុ​សំឡេង​កម្ពុជាក្រោម​ សូម​លើកយក​មក​ចាក់​ផ្សាយ​ឡើងវិញ​ ដែល​មានខ្លឹមសារ​ដើម​ទាំងស្រុង​ ដូចតទៅ​៖